बिर्तामोड, साउन ५ । लायन्स क्लब अफ बिर्तामोड सिटीको संयोजनमा झापा अर्जुनधाराको एक सहायता केन्द्रलाई शैक्षिक सामग्री प्रदान गरिएको छ ।
मंगलबार एक कार्यक्रमको आयोजना गरी क्लबले अर्जुनधारा ११ मा रहेको बन्दी सहायता नेपालमा आश्रित २५ जना बालबालिकालाई स्कुल ब्याग, कापी तथा डटपेन प्रदान गरिएको हो ।
क्लबका चार्टर प्रेसिडेन्ट नीरज ओलीको जन्मदिनको अवसर पारेर क्लबले सो कार्यक्रम आयोजना गरेको थियो । क्लबले प्रत्येक सदस्यको जन्मदिनको अवसर पारेर सामाजिक सेवामुलक कार्यक्रम गर्ने योजना बनाएअनुरुप ओलीको जन्मदिनमा शैक्षिक सामग्री प्रदान गरिएको हो ।
कार्यक्रममा प्रमुख अतिथि इम्प्याक्ट एरिया चिफ सत्यनारायण शर्मा, रिजन चेयरपर्सन शैलेन्द्र कुरुङबाङ, जोन चियरपर्सन जीवनकुमार खड्का, बन्दी सहायत नेपाल पूर्वाञ्चलका अध्यक्ष जगतबहादुुर मगरलगायतले शुभकामना व्यक्त गरेका थिए ।
क्लबका अध्यक्ष रामेश्वर द्विवेदीको अध्यक्षतामा भएको कार्यक्रममा बन्दी सहायत नेपाल पूर्वाञ्चल सचिव रञ्जीत परियारले स्वागत गरेका थिए भने कार्यक्रमको सहजीकरण क्लबका पिआरओ हिमालचन्द्र खरेलले गरेका थिए । कार्यक्रममा क्लबका पदाधिकारी तथा सदस्यहरुको उपस्थिति रहेको थियो ।
