![](https://jhapatoday.com/wp-content/uploads/2021/07/crticket-nepali-team_NHY9yfQNNY.jpg)
बिर्तामोड, साउन ११ । नेपालले टि–ट्वान्टी वरीयतामा एक स्थान सुधार गरेको छ । अन्तर्राष्ट्रिय क्रिकेट परिषद् आइसिसीका अनुसार नयाँ वरीयतामा नेपालले एक स्थान सुधार गरेको हो ।
यसअघि १३ औँ स्थानमा रहेको नेपाल नयाँ वरीयतामा १२ औँ स्थानमा रहेको छ । नयाँ वरीयतामा नेपाल टेस्ट राष्ट्र आयरल्यान्डभन्दा अघि रहेको छ । नेपालको टि–ट्वान्टीमा उत्कृष्ट वरीयता ११ औँ स्थान हो ।
टि–ट्वान्टीको नयाँ वरीयताको शीर्ष स्थानमा इंग्ल्यान्ड, दोस्रोमा भारत र तेस्रोमा न्युजिल्यान्ड रहेका छन् । चौथो पाकिस्तान र पाँचौँ अस्ट्रेलिया रहेको छ । नेपाल एक दिवसीय वरीयतामा भने १६ औँ स्थानमै रहेको छ ।