बिर्तामोड, कात्तिक ९ । नरेन्द्रमणि लिम्बूको चार गोल मद्दतमा झापा भेट्रान्स फुटबल क्लबले मेयर कप भेट्रान्स फुटबल प्रतियोगितामा विजयी सुरुआत गरेको छ ।
त्रिपुरेश्वरस्थित दशरथ रंगशालामा मंगलबार भएको खेलमा विजय युथ हेटौडालाई झापाले ५–१ गोल अन्तरले हरायो । झापाको जितमा लिम्बूले ४ र श्यामकुमार गोलेले एक गोल गरे ।
हेटौडाका कृष्ण शाक्यले एक गोल फर्काए । जितसँगै समूह ई को झापाले ३ अंक जोडेको छ । हेटौडाको यो पहिलो हार हो । पहिलो खेलमा हेटौडाले काभ्रे भेट्रान्सलाई हराएको थियो । हेटौडाले २ खेलमा ३ अंक जोडेको छ ।
प्रतियोगितामा २१ टिमलाई सात समूहमा विभाजन गरिएको छ । प्रत्येक समूहका विजेता र एक उपविजेता टिमले दोस्रो चरणमा स्थान बनाउनेछन् । प्रतियोगिताको विजेताले ५ लाख र उपविजेताले २ लाख ५० हजार पाउने पाउने छन् ।
त्यस्तै, विधागत रुपमा उत्कृष्ट खेलाडीलाई विशेष पुरस्कारको व्यवस्था गरिएको आयोजकले जनाएको छ ।
