बिर्तामोड, पुस २० । जारी सहिद स्मारक ‘ए’ डिभिजन लिगको सातौँ चरणको सकिँदा गोल्डेन बुट दौडमा मछिन्द्र क्लबका सुनिल बल पाँच गोलसहित शीर्ष स्थानमा छन् ।
सुनिलले पहिलो चरणमा एनआरटीविरुद्ध दुई गोल, तेस्रो चरणमा जावलाखेलविरुद्ध एक गोल, छैटौँ चरणमा मनाङविरुद्ध एक गोल र सातौँ चरणमा पुलिस क्लबविरुद्ध एक गोल गरेका थिए ।
लिगको सातौँ चरणमा नेपाल पुलिस क्लबविरुद्ध १–० को जित निकाल्दा सुनिलले नै निर्णायक गोल गरेपछि मछिन्द्रले एएफसी कप छनोट यात्रा तय गरेको थियो ।
एएफसीले निर्धारित गरेको समय सीमाभित्र नेपाली लिग समाप्त नहुने भएपछि लिगका क्लबहरुले सर्वसम्मतिमा सातौँ चरणसम्म शीर्ष स्थानमा रहने टोलीले एएफसी कपको छनोट खेल्ने भएको हो । यसैकारण पुलिसविरुद्ध जित निकालेको मछिन्द्र एएफसी कप २०२२ मा छनोट भएको हो ।
खासमा, एएफसी कपमा लिग विजेता टोलीले स्थान बनाउने नियम छ । नेपाली लिग सकिन अझै ६ चरणका खेल बाँकी नै छन् ।
लिगमा सर्वाधिक गोल गर्ने ११ खेलाडी
