![](https://jhapatoday.com/wp-content/uploads/2022/07/u20.jpg)
बिर्तामोड, साउन १५ । २० वर्षमुनिको साफ च्याम्पियनसिप फुटबलमा आज नेपाल र भारत खेल्दैछन् । दुई देशबीचको खेल भारतको भुवनेश्वरमा रहेको कालीङ्गा मैदानमा बेलुका सवा सात बजे सुरु हुनेछ । भारत प्रतियोगिताको साविक विजेता हो ।
![Adv sidebar_3](https://jhapatoday.com/wp-content/uploads/2022/06/springdale-1.jpg)
मुख्य प्रशिक्षक मेघराज केसीले भारतसँगको आजको खेल नेपाली समर्थकका लागि विशेष रहने बताएका छन् । आजको खेल नेपाल र भारत दुवैका लागि महत्त्वपूर्ण छ । भारतलाई हराउन सकेमा नेपाल शीर्ष स्थानमा उक्लिनेछ ।
![](https://jhapatoday.com/wp-content/uploads/2022/02/Singha-Bahini.gif)
नेपाललाई हराएमा भारतको फाइनल पुग्ने सम्भावना बलियो हुनेछ । नेपालले जितेमा नेपाल र बङ्लादेश फाइनलमा पुग्नेछन् भने बराबरी भएमा बङ्लादेश फाइनल पुग्ने पहिलो टोली हुनेछ । दोस्रो टोलीका लागि लिग चरणको अन्तिम दिन कुर्नुपर्नेछ ।
![](https://jhapatoday.com/wp-content/uploads/2022/02/jaleshore-1024x666.jpeg)
प्रतियोगिताको अङ्क तालिकामा बङ्लादेश शीर्ष स्थानमा छ । उसको ३ खेलमा ९ अङ्क छ । नेपाल दोस्रो स्थानमा छ । नेपालको २ खेलमा ६ अङ्क छ । भारत २ खेलमा ३ अङ्कसाथ तेस्रो स्थानमा छ । पुछारमा रहेका माल्दिभ्स र श्रीलङ्काले अङ्क जोड्न सकेका छैनन् ।
![Adv block_7_1](https://jhapatoday.com/wp-content/uploads/2021/09/10-37-46-FINAL.gif)
प्रतियोगिताको समूह चरणबाट शीर्ष दुई टोलीले फाइनल खेल्नेछन् । नेपालले मङ्गलबार बङ्लादेशसँग खेल्नेछ । फाइनल खेल शुक्रबार हुनेछ।