बिर्तामोड, साउन ३० । अहिले झापा जिल्लाको मौसम शीतल र घमाइलो भएको छ । बिहानैदेखि मौसम खुलेर घमाइलो भएको हो ।
झापासहित प्रदेश–१ र मधेस प्रदेशका केही ठाउँमा सामान्यदेखि मध्यम बदली भएको छ भने बाँकी ठाउँको मौसम खुलेको मौसमविद् सञ्जीव अधिकारीले जानकारी दिए ।
यद्यपि, प्रदेश–१ का केही ठाउँमा सामान्य बदली हुने मौसम महाशाखाले जनाएको छ । भरे राति भने पूर्वी क्षेत्रका केही ठाउँमा सामान्य पानी पर्ने सम्भावना रहेको छ ।
आउँदो तीन दिनसम्म ठुलो पानी पर्ने सम्भावना भने कम रहेको मौसमविद् अधिकारीले बताए । मनसुनको न्यून चापीय रेखा औसतभन्दा दक्षिणतर्फ रहेकोले ठुलो पानी पर्ने सम्भावना नरहेको हो ।