बिर्तामोड, भदौ २० । नवौँ राष्ट्रिय खेलकुद प्रतियोगिताका लागि प्रदेशस्तरीय छनोटमा परेका झापाका महिला फुटबल खेलाडीको बन्द प्रशिक्षण सुरु भएको छ ।
एक साताअघि खेल संयोजक वरिष्ठ फुटबल प्रशिक्षक भगिरथ आले ‘मामा’ को नेतृत्वमा महिला तथा पुरुष टिमको छनोट गरिएको थियो ।
छनोटमा परेका महिला खेलाडीको प्रशिक्षण कनकाईस्थित सुरुङ्गामा सुरु भएको हो । खेलाडीहरुलाई प्रशिक्षक सन्त रायमाझी प्रशिक्षण दिइरहेका छन् ।
महिला फुटबलको छनोट इटहरी रंगशालामा भदौ २९ देखि असोज २ गतेसम्म हुने प्रदेश खेलकुद विकास बोर्डले जनाएको छ ।
झापाबाट छनोटमा परेका खेलाडीः
गोलकिप्परः रञ्जु राजवंशी र जसोधा लावती
फवार्डः ममता राउत, लक्ष्मी श्रेष्ठ, रोशिका राय
मिडफिल्डः गंगामाया राई, सञ्जना राई, मुना भुजेल र सकुन्तला राई
डिफेन्सः छत्रिका चौधरी, सुस्मिता चौधरी, ईश्वरी राई, शिवानी भुजेल, सरस्वती दाहाल र वर्षा मगर
