बिर्तामोड, भदौ २३ । काँकरभिट्टामा रहेको स्प्रिङडेल कलेज अफ हस्पिटालिटी मेनेजमेन्टले कक्षा ११ मा नयाँ भर्ना भएका विद्यार्थीलाई स्वागत सम्मान गरेको छ ।
जोरसिमलमा रहेको होटल मेची क्राउनमा एक भव्य कार्यक्रमको आयोजना गरेर नयाँ विद्यार्थीलाई स्वागत सम्मान गरिएको हो ।
होटल मेनेजमेन्ट र हस्पिटालिटी सम्बन्धी कक्षा दिँदै आएको कलेजले विद्यार्थीलाई होटलको अवलोकनसमेत गराएको निर्देशक विजय क्षेत्रीले जानकारी दिए ।
सिटिइभिटी र इटिभिएबाट मान्यता प्राप्त कलेजले विद्यार्थीलाई सैद्धान्तिक मात्र नभएर व्यावहारिक ज्ञान प्रदान गर्न होटलको भम्रणसँगै स्वागत गरेको थियो ।
कलेजका निर्दशक नीरज श्रेष्ठ नवआगन्तुक विद्यार्थीलाई होटल मेनेजमेन्ट, पर्यटन तथा हस्पिटालिटीका बारे प्रशिक्षण दिएको कार्यक्रममा विद्यार्थीले फेसन सो, नृत्य तथा गायन प्रस्तुत गरेका थिए ।
कार्यक्रमकै अवसर पारेर कक्षा १२ का दुईजना विद्यार्थीलाई समेत सम्मान गरिएको थियो ।
क्षेत्रीको अध्यक्षतामा भएको कार्यक्रममा स्वागत प्रकृति राईले गरेकी थिइन् भने सञ्चालन शिक्षक युवराज दाहाल र जोस्ना राजवंशीले गरेका थिए ।
व्यवस्थित र आधुनिक प्रयोगशाला रहेको लेजमा दैनिक प्रयोगात्मक अभ्यासहरु गराइन्छ भने कलेजले विद्यार्थीलाई हरेक तीनतीन महिनामा स्थलगत अवलोकलमा समेत लैजाने गरेको छ ।
