![](https://jhapatoday.com/wp-content/uploads/2022/10/wf-1024x683.jpg)
पोखरा, असोज २९ । नवौँ राष्ट्रिय खेलकुद प्रतियोगिताअन्तर्गत महिला फुटबलमा शनिबार प्रदेश नम्बर १ ले गण्डकी प्रदेशलाई २–१ गोलले पराजित गरेको छ ।
![](https://jhapatoday.com/wp-content/uploads/2022/09/pathivara.jpeg)
अन्जना थुलुङ राईले ३६औँ मिनेटमा गोल गर्दै प्रदेश नम्बर १ लाई अग्रता दिलाइन् । दोस्रो हाफको ६३औँ मिनेटमा अनिता गुरुङले गोल गर्दै अग्रता दोब्बर पारेकी थिइन् ।
![No description available.](https://scontent.fktm1-1.fna.fbcdn.net/v/t1.15752-9/301915071_1063512954302123_4331870716962606957_n.jpg?_nc_cat=104&ccb=1-7&_nc_sid=ae9488&_nc_ohc=XyexZrSgGJ4AX-2EeHV&_nc_ht=scontent.fktm1-1.fna&oh=03_AVJfryBZOgiFFEpYeyUgF2GLq6tRRCfGFMu-qxfF55UYuw&oe=636AC05A)
खेलको ८१औँ मिनेटमा शान्ति नेपालीले गण्डकीका लागि एक गोल गरे पनि हारबाट जोगाउन पर्याप्त भएन ।
त्यस्तै, महिला भलिबलमा प्रदेश १ विजयी भएको छ । खेलमा प्रदेश १ ले मधेश प्रदेशलाई ३–० को सोझो सेटमा हराएको हो ।
![](https://jhapatoday.com/wp-content/uploads/2022/10/wv.jpg)
प्रदेश १ ले मधेशमाथि २५–१३, २५–२२ र २५–१५ को सोझो सेटमा जित निकाल्यो । यस जितसँगै प्रदेश १ ले क्वार्टर फाइनल पुग्ने सम्भावना बलियो बनाएको छ । प्रदेश १ की समीक्षा राई वुमन अफ दि म्याच घोषित भइन् ।