पोखरा, असोज ३० । नवौँ राष्ट्रिय खेलकुद प्रतियोगिताअन्तर्गत प्रदेश १ ले पहिलो स्वर्ण पदक प्राप्त गरेको छ ।
आइतबार भएको स्विमिङमा प्रतियोगितामा प्रदेश नम्बर १ ले स्वर्ण पदक जितेको हो ।
स्विमिङको ५० मिटर ब्रेस्ट स्ट्रोक इभेन्टतर्फ प्रदेश नम्बर १ का विकास कुमालले स्वर्ण पदक जितेका हुन् । उनी मोरङका हुन् ।
यसअघि पौडीमा प्रदेश १ का प्रारम्भ भण्डारीले २०० मिटर ब्याक स्ट्रोकमा रजत र सोही विधामा उपसना राईले कास्य जितेकी छन् ।
विकासको स्वर्णसँगै प्रदेश नम्बर १ ले आइतबारसम्म एक स्वर्ण, चार रजत र १३ कास्य गरी १८ पदक जितेको छ ।
