![](https://jhapatoday.com/wp-content/uploads/2022/11/prabes-1024x683.jpg)
बिर्तामोड, कात्तिक १५ । अखिल नेपाल फुटबल संघ (एन्फा) ले प्रवेश कटुवाललाई पाकिस्तानविरुद्धको मैत्रीपूर्ण फुटबलका लागि मुख्य प्रशिक्षक नियुक्त गरेको छ ।
![](https://jhapatoday.com/wp-content/uploads/2022/09/pathivara.jpeg)
ए डिभिजन लिगमा मछिन्द्र क्लबलाई लगातार दुईपटक च्याम्पियन बनाएका प्रशिक्षक कटुवाललाई एन्फाले मंगलबार मैत्रीपूर्णका लागि मुख्य प्रशिक्षकको जिम्मेवारी दिइएको जनाएको छ ।
एन्फाका अध्यक्ष पंकजविक्रम नेम्वाङले कटुवाललाई नियुक्ति पत्र दिएका थिए । झापा बिर्तामोडस्थित सैनिकबजारका कटुवालले झापा ११ एफसीको प्रशिक्षक भइसकेका छन् ।
![No description available.](https://scontent.fktm1-1.fna.fbcdn.net/v/t1.15752-9/301915071_1063512954302123_4331870716962606957_n.jpg?_nc_cat=104&ccb=1-7&_nc_sid=ae9488&_nc_ohc=XyexZrSgGJ4AX-2EeHV&_nc_ht=scontent.fktm1-1.fna&oh=03_AVJfryBZOgiFFEpYeyUgF2GLq6tRRCfGFMu-qxfF55UYuw&oe=636AC05A)
नेपालले नोभेम्बर १६ (कात्तिक ३०) मा पाकिस्तानसँग दशरथ रंगशालामा एक मैत्रीपूर्ण खेल खेल्नेछ । मैत्रीपूर्ण खेल साँझ ५ बजे हुने एन्फाले जनाएको छ ।
फिफाको निलम्बन फुकुवासँगै आठ वर्षपछि अन्तर्राष्ट्रिय फुटबलमा फर्किएको पाकिस्तान नेपाल आउन लागेको हो । निलम्बन फुकुवापछि पाकिस्तानको सिनियर पुरुष टिमको यो पहिलो अन्तराष्ट्रिय खेल हो ।
मुख्य प्रशिक्षक अब्दुल्लाह अलमुताइरीले राजीना दिएपछि नेपाल नियमित मुख्य प्रशिक्षकविहीन रहँदै आएको छ ।
यस अघि बंगलादेशविरुद्धको मैत्रीपूर्णमा प्रदिप हुमागाईंले टिम सम्हालेका थिए ।