![](https://jhapatoday.com/wp-content/uploads/2022/11/dy.png)
बिर्तामोड, कात्तिक १६ । झापाको कालिस्थानमा जारी एन्फा रेफ्री स्वर्गीय खेम तामाङ स्मृृति फुटबल प्रतियोगितामा बुधबारको खेलबाट स्थानीय शनिश्चरे एफसी सेमिफाइनलमा प्रवेश गरेको छ ।
![](https://jhapatoday.com/wp-content/uploads/2022/09/pathivara.jpeg)
प्रतियोगितामा प्रतिस्पर्धी सतासीधाम स्पोर्टिङ क्लबलाई २–१ गोलले पराजित गर्दै शनिश्चरे अन्तिम चारमा प्रवेश गरेको हो ।
खेलमा पहिलो अग्रता १८औँ मिनेटमा सतासीधामले गरे पनि ४७ औँ मिनेटमा कर्नर किकमा पाएको अवसरमा शनिश्चरेका लागि देवेन्द्र तामाङले हेडरमार्फत गोल गर्दै खेललाई बराबरीमा ल्याएका थिए ।
![](https://jhapatoday.com/wp-content/uploads/2022/11/narabahadur-Ad.jpg)
बराबरी नतिजा खेलेको दुवै टिमको प्रतिस्पर्धामा शनिश्चरेल खेल सकिन अन्तिम १० मिनेट आक्रामक खेल प्रस्तुत गरेको थियो । फलस्वरुप खेलको इन्ज्युरी समयमा शनिश्चरेले बाजी मार्यो ।
![No description available.](https://scontent.fktm1-1.fna.fbcdn.net/v/t1.15752-9/301915071_1063512954302123_4331870716962606957_n.jpg?_nc_cat=104&ccb=1-7&_nc_sid=ae9488&_nc_ohc=XyexZrSgGJ4AX-2EeHV&_nc_ht=scontent.fktm1-1.fna&oh=03_AVJfryBZOgiFFEpYeyUgF2GLq6tRRCfGFMu-qxfF55UYuw&oe=636AC05A)
खेल सकिने अन्तिम सिटी बज्नुपूर्व १५ सेकेन्ड बाँकी रहँदा शनिश्चरेका सौरभ लिम्बूले निर्णायक गोल गर्दा शनिश्चरे प्रतियोगिताको अन्तिम चारमा प्रवेश गर्न सफल रह्यो ।
![](https://jhapatoday.com/wp-content/uploads/2022/11/arjundhara-new-ad-final-2-1024x225.jpg)
खेलको म्यान अफ द म्याच शनिश्चरेका देवेन्द्र तामाङ घोषित भए । उनलाई अर्जुनधारा नगरपालिकाका नगरप्रमुख बलदेव सिंह गोम्देनलगायतले नगद १५ सय प्रदान गरे ।
![](https://jhapatoday.com/wp-content/uploads/2022/11/saniarjun-1.jpg)
बिहीबार आयोजक मनास्लु युथ क्लब शनिश्चरेले मेचीनगरको काँकरभिट्टा फुटबल ट्रेनिङ सेन्टरसँग अन्तिम क्वार्टर फाइनल खेल खेल्नेछ ।
विजेताले नगद ५० हजार र उपविजेताले नगद २५ हजार पाउनेछ । त्यस्तै, ५ विधाका खेलाडीले जनही २ हजार तथा प्रत्येक खेलको म्यान अफ द म्याच बन्ने खेलाडीले नगद १५ सय पाउने छन् ।
२०२३ साल फागुन ३ गते जन्मिएका एन्फा रेफ्री स्व खेम तामाङको गत जेठ १२ गते निधन भएको थियो । उनै एन्फा रेफ्री तामाङको स्मृतिमा स्थानीय मनास्लु युथ क्लबद्वारा आयोजित प्रतियोगितामा झापा जिल्ला रेफ्री संघ तथा झापा जिल्ला फुटबल संघको प्रत्यक्ष सहयोग रहेको छ ।