बिर्तामोड, कात्तिक २१ । तमु प्ये ल्हु संघ जिल्ला कार्यसमितिको आयोजनामा यसपालिको देउसी भैलो कार्यक्रमको आयव्यय सार्वजनिक गर्दै कलाकारहरुलाई सम्मान गरिएको छ ।
देउसी भैलो कार्यक्रममा कलाकारिता क्षेत्रबाट उच्च योगदान पुर्याएका कलाकारहरुलाई सम्मान गरिएको प्ये ल्हु संघको केन्द्रीय युवा समिति द्वित्तीय उपाध्यक्ष अर्पण गुरुङ (तमु) ले जानकारी दिए ।
जिल्ला अध्यक्ष रामकुमार तमुको सभापतित्वमा अर्जुनधारा ६ को लाहुरे दाजुभाइ रेड हाउसको सभाहलमा आयोजित स्वागत सम्मान कार्यक्रममा १५ जना कलाकारलाई प्रमाणपत्र र मायाको चिनो प्रदान गरिएको थियो ।
उनीहरुलाई प्रमुख अतिथि अर्पण तमु, जिल्लाको सल्लाहकार संयोजक महेश गुरुङ, विशेष अतिथि प्रदेश उपाध्यक्ष चन्द्र पोजु, कोषाध्यक्ष नरकुमार तमु लगायतले प्रमाणपत्र र मायाको चिनोसहित सम्मान गरेको जिल्ला सल्लाहकार संयोजक महेश गुरुङले जानकारी दिए ।
मु प्ये ल्हु संघ जिल्ला कार्यसमिति उपाध्यक्ष श्याम तमुले स्वागत मन्तव्य राखेको कार्यक्रमको सञ्चालन सचिव रञ्जीत तमुले गरेका थिए ।
