बिर्तामोड, बैशाख १ । झापाको बिर्तामोडबाट प्रकाशित इजलास दैनिक सातौँ वर्षमा प्रवेश गरेको छ ।
टाइम्स मिडिया नेटवर्क प्रालिद्वारा प्रकाशित इजलास दैनिकले संक्षिप्त कार्यक्रम गरी सातौँ वार्षिकोत्सव मनाएको छ ।
वार्षिकोत्सवको अवसरमा इजलास दैनिकले अर्जुनधाराका सम्वाददाता इन्द्रकुमार राईलाई नगद पाँच हजार र प्रमाणपत्रसहित सम्मान गरेको छ ।
सम्मानित राईलाई टाइम्स मिडिया नेटवर्कका अध्यक्ष नारायणप्रसाद पोखरेल र प्रमुख अतिथि प्रेस काउन्सिल नेपालका सदस्य गणेश पोखरेलले सम्मान प्रदान गरेका हुन् ।
कार्यक्रममा प्रमुख अतिथि पोखरेल, बिर्तामोड नगरपालकाका प्रवक्ता अग्निप्रसाद पाण्डे, बिर्तामोड उद्योग वाणिज्य संघका महासचिव अर्जुनकुमार मैनालीलगायतले शुभकामना मन्तव्य राखेका थिए ।
