मेचीनगर, असार ९ । श्रीकृष्ण प्रणामी बाइजुराज महिला समिति नेपाल इकाई समिति धुलाबारीको आयोजनामा रक्तदान कार्यक्रम सम्पन्न भएको छ ।
आज प्रणामी मन्दिर धुलाबारीको परिसरमा भएको रक्तदान कार्यक्रममा ३५ पिन्ट रगत संकलन भएको अध्यक्ष सरु घिमिरेले जानकारी दिइन् ।
श्रीकृष्ण प्रणामी बाइजुराज महिला समिति कोशी प्रदेश उपाध्यक्ष रिता शिवाकोटीको प्रमुख आतिथ्यता रहेको कार्यक्रममा धुलाबारी प्रणामी मन्दिरका सञ्चालक समितिका अध्यक्ष जीवन सापकोटाको विशेष सहयोग रहेको थियो ।
गत वर्षकै कार्यक्रमलाई निरन्तरता दिँदै यस वर्ष पनि रक्तदान कार्यक्रम आयोजना गरिएको हो । प्रणामी महिलाहरुले सधैँ भजनकीर्तन मात्र नभई सामाजिक गतिविधिमा पनि सक्रिय हुनुपर्छ भन्ने उद्देश्यका साथ समितिले यस्ता कार्यक्रम गर्दै आएको अध्यक्ष घिमिरेले बताइन् ।
