बिर्तामोड, साउन ३२ । भद्रपुरको प्रज्ञा एकेडेमीले यो वर्षको कक्षा १२ को परीक्षाफलमा उत्कृष्ट नतिजा ल्याएको छ । नगरका अन्य विद्यालयभन्दा प्रज्ञाले उत्कृष्ट नतिजा ल्याएको हो ।
व्यवस्थापन सङ्कायतर्फ प्रज्ञा एकेडेमीका छात्रा आयूष दास भद्रपुर नगर प्रथम भएको दाबी गरिएको छ । दासले ३.७१ जिपिए ल्याएका छन् । त्यस्तै, प्रज्ञाकी छात्रा वन्दना मिश्रले ३.६१ जिपिए ल्याएकी छन् ।
३.२० देखि ३.६० जिपिए ल्याउनेमा प्रज्ञाका अभिषेक उप्रेती, एन्जल गिरी, चन्द्रा दाहाल, दीक्षा प्रधान, ऋतिक राजवंशी, निश्चल सुब्बा, प्रज्ज्वल कार्की, प्रकृति मैनाली, रोमन सिग्देल, सौरभ राजवंशी, सृष्टि बञ्जरा रहेका छन् । प्रज्ञाबाट ५४ जना विद्यार्थी उत्तीर्ण भएको प्रज्ञाका प्रिन्सिपल इशुभ पाण्डेले जानकारी दिए ।
