मेचीनगर, भदौ ७ । ट्राफिक प्रहरी पोस्ट काँकरभिट्टाको आवाससहितको कार्यालय भवन शिलान्यास गरिएको छ । भवन निर्माण समितिका अध्यक्ष तथा मेची सामुदायिक सेवा केन्द्र काँकरभिट्टाका अध्यक्ष मुक्ति पौडेलले शिलान्यास गरे ।
मेची सामुदायिक सेवा केन्द्र काँकरभिट्टाको संयोजनमा निर्माण हुन लागेको उक्त कार्यालय भवन अर्थ मन्त्रालयको स्वमित्वमा रहेको मेचीनगर नगरपालिका–६ स्थित काँकरभिट्टाको पुरानो भन्सारमा करिब २ कठ्ठा क्षेत्रफलमा कुल १५ लाख रुपैयाँको लागतमा निर्माण गर्न लागिएको हो ।
ट्राफिक प्रहरी पोस्ट काँकरभिट्टाका प्रहरी नायव निरीक्षक लीलाकुमार श्रेष्ठले भवन निर्माणसँगै ट्राफिक व्यवस्थापनलाई प्रभावकारी बनाउन महत्वपुर्ण सहयोग पुग्ने धारणा राखेका थिए । केही दिनअघि सर्वदलीय उपस्थितिबाट कार्यालय भवन निमार्ण गर्ने सहमति भएको थियो ।
कार्यक्रममा भवन निर्माण समितिका सल्लाहकार तथा प्राज्ञ शुभद्रा भट्टराई अर्याल, आर्थिक संयोजक सुवास गुरुङ, उपाध्यक्ष खडानन्द भण्डारी, सदस्य सचिव लीलाकुमार श्रेष्ठ, सदस्य विष्णुकुमार श्रेष्ठ, केशव गिरी, मिरा कार्की, सुरेश श्रेष्ठ (गोपाल), मोहन रिजाल, दिनेश पोखरेल, प्रवीण थापा, सञ्जय तामाङ, होम विष्ट, प्रहरी सहायक हवल्दार प्रकाश अधिकारी, स्थानीयबासी भूमिलाल भेटवाल र शम्भु राजवंशीलगायतको उपस्थिति रहेको थियो ।
