धुलाबारी, भदौ १४ । प्रहरीले झापाको धुलाबारीबाट तीनजनालाई गाँजासहित पक्राउ गरेको छ ।
विशेष सूचनाका आधारमा धुलाबारीको प्रहरी टोलीले मेचीनगर–१०का नविमिया चुरौटेको घरमा छापा हानेको थियो ।
चुरौटेको घरमा छापा हान्दा १ केजी ७०० ग्राम गाँजासहित चुरौटे, हिमाल बजगाईं र स्मृति लिम्बूलाई प्रहरी टोलीले पक्राउ गरेको हो ।
तीन जनालाई एकै कोठाबाट पक्राउ गरिएको प्रहरी स्रोतले जानकारी दिएको छ । प्रहरीले चुरौटेको घरमा छापा हान्दा मेचीनगर–१०का वडा अध्यक्ष, वडा सदस्य स्थानीयबासी चुरौटेका घरमा पुगेका थिए । तीनैजनालाई आवश्यक सोधपुछका लागि इलाका प्रहरी कार्यालय धुलाबारीमा राखिएको छ ।
मिया लागुऔषधको कारोबारी भएकाले उनलाई मुद्दा चलाउने, अरु दुईजना सँगै भेटिएकोले मनोपरामर्श गरी छाडिएको प्रहरीले जनाएको छ ।
