![](https://jhapatoday.com/wp-content/uploads/2023/09/kripa-1024x576.jpg)
![](https://jhapatoday.com/wp-content/uploads/2023/08/manakamanaice.jpg)
बिर्तामोड, भदौ २५ । तीजलाई लक्षित गरेर सारेगमप लिटल च्याम्प्स नेपालकी विजेता कृपा पौडेलले ‘रातो सारीमा’ बोलको गीत तथा भिडियो ल्याएकी छन् ।
![](https://jhapatoday.com/wp-content/uploads/2023/09/image-2.png)
कृपाको स्वरमा रहेको तीज गीत आफ्नै अफिसियल युट्युब च्यानल कृपा पौडेलबाट रिलिज भएको हो । गीतमा तीजको पहिरन र आभूषणले सजिएकी नारीको प्रसंगमा आधारित रहेको छ । तीजको रमझममा सासू र आमाले छोरी र बुहारीप्रति गर्ने भेदभावलाई देखाइएको कृपाले बताइन् ।
![](https://jhapatoday.com/wp-content/uploads/2023/08/image-8.png)
गीतमा शान्ता न्यौपानेको रचना, संगीत रहेको छ । त्यस्तै, भिडियो निर्देशन सनम खतिवडा राजाले गरेका हुन् । एरेञ्जर राकेश सोनी रहेको यो तीज गीत रेम्बो स्टुडियो अनामनगरमा रेकर्ड गरिएको हो ।
![](https://jhapatoday.com/wp-content/uploads/2023/09/image-4.png)
सप्तक संगीत विद्यालय बिर्तामोड झापा र महिला अधिकारका लागि राष्ट्रिय अभियानले निर्माण गरेको यो गीतको भिडियोमा गायिका कृपा, सञ्जीवनी पौड्याललगायतको मुख्य अभिनय रहेको छ ।
![](https://jhapatoday.com/wp-content/uploads/2023/08/image-10-1024x1024.png)
गीतको भिडियोलाई दिपक कार्की र टिमले छायाँकन गरेका हुन् । भिडियोमा सुरज लुहागुनको कोरियोग्राफी छ । झापा बिर्तामोड–२ चारपानेकी कृपाले पहिलोपटक तीज गीत ल्याएकी हुन् ।
![](https://jhapatoday.com/wp-content/uploads/2023/09/image-5.png)
![](https://jhapatoday.com/wp-content/uploads/2023/09/image-1.png)
![](https://jhapatoday.com/wp-content/uploads/2023/09/dhulabari-campus-1024x512.jpeg)