![](https://jhapatoday.com/wp-content/uploads/2023/09/drjha.jpg)
![](https://jhapatoday.com/wp-content/uploads/2023/09/image-1.png)
दमक, भदौ २८ । आफ्नै डेन्टलमा कार्यरत एक महिला कर्मचारीमाथि जबरजस्ती करणीको प्रयास गरेको आरोपमा झापा दमकका एकजना दन्त चिकित्सक पक्राउ परेका छन् ।
![](https://jhapatoday.com/wp-content/uploads/2023/08/image-10-1024x1024.png)
प्रहरीले उनलाई एक साताअघि नै पक्राउ गरेको भए पनि खबर भने आज मात्र बाहिरिएको हो । प्रहरीले उनीमाथि अनुसन्धान गरिरहेको जनाएको छ ।
![](https://jhapatoday.com/wp-content/uploads/2023/09/image-2.png)
दमकमा सूर्योदय दमक डेन्टल सञ्चालन गर्दै आएका डक्टर नवनितकुमार झालाई जबरजस्ती करणीको आरोपमा पक्राउ गरेको हो । दमक–९ का झापाको दमक–६ मा डेन्टल क्लिनिक छ ।
![](https://jhapatoday.com/wp-content/uploads/2023/09/image-5.png)
पीडित महिलाले प्रहरीमा किटानी जाहेरी दिएपछि डक्टर झालाई भदौ २१ गते इलाका प्रहरी कार्यालय दमकले नियन्त्रणमा लिएको हो । प्रहरीले झामाथि जबरजस्ती करणी उद्योगअन्तर्गत मुद्दा दर्ता गरेको छ ।
![](https://jhapatoday.com/wp-content/uploads/2023/08/manakamana-1024x597.jpg)
सो मुद्दाको अनुसन्धानका लागि जिल्ला अदालत झापाबाट प्रहरीले म्याद थपको आदेश समेत लिएर अनुसन्धान अघि बढाएको इलाका प्रहरी कार्यालय दमकका डिएसपी मनोजकुमार लामाले जानकारी दिए ।
![](https://jhapatoday.com/wp-content/uploads/2023/09/image-4.png)
उनले पीडित भनिएकी महिलाको किटानी जाहेरीका आधारमा तत्कालै झालाई अनुसन्धानका लागि पक्राउ गरी कानुनी प्रक्रिया अघि बढाइएको बताए । आरोपी झाले भने आफूले ती महिलामाथि जबरजस्ती करणीको प्रयास नगरेको दाबी गरेका छन् ।
![](https://jhapatoday.com/wp-content/uploads/2023/09/dhulabari-campus-1024x512.jpeg)
![](https://jhapatoday.com/wp-content/uploads/2023/09/image-3.png)
![](https://jhapatoday.com/wp-content/uploads/2023/08/manakamanaice.jpg)