बिर्तामोड, असोज १० । विश्व पर्यटन दिवसको अवसरमा झापाको बिर्तामोडमा प्रभातफेरी निकालिएको छ । टुरिजम एन्ड ग्रिन इनभेसमेन्ट भन्ने मुल नारालाई आत्मसात गर्दै पर्यटन दिवस मनाइएको हो ।
प्यासिफिक एसियन ट्राभल एसोसिएसन (पाटा) विद्यार्थी च्याप्टर एएसएमको मुख्य आयोजना तथा आदर्श स्कुल अफ म्यानेजमेन्ट र पूर्वाञ्चल मावि बिर्तामोडको संयोजनमा कार्यक्रम भएको हो ।
सुरुवाती कोठा नेपाल, ट्रेक ८५८६ ,प्याक एन्ड प्याडल नेपाल, आदर्श ब्यांक्वेटलगायतका संस्थाको सहकार्यमा प्रभातफेरी गरिएको हो । आदर्श कलेजको प्रांगणबाट सुरु भएको ¥यालीले मुक्तिचोक परिक्रम गरेको थियो ।
प्याक एन्ड प्याडलका सदस्यहरुले साइकल ¥याली समेत गरेको कार्यक्रममा ट्रेक ८५८६ ले विद्यार्थीलाई ट्रेकिङमा जाँदा ध्यान दिनुपर्ने कुराको बारेमा जानकारी गराएको थियो । ¥यालीमा ४०० जनाभन्दा बढीको सहभागिता रहेको आदर्श कलेजका निर्देशक संजोग खरेलले जानकारी दिए ।
