बिर्तामोड, असोज १६ । झापा कनकाईमा रहेको कनकाईधाम धार्मिक विकास संस्था कोटिहोमको अध्यक्षमा समाजसेवी तथा धार्मिक व्यक्तित्व शेरबहादुर थापा विजयी भएका छन् ।
आज साँझ ०६ः४५ सम्म जारी मतगणना अनुसार थापाको जित निश्चित भएको हो । हिजो सम्पन्न निर्वाचनमा ९२६ मत खसेको थियो ।
थापाले अध्यक्षका अर्का प्रत्यासी नरेन्द्रप्रसाद फुयाललाई हराउने निश्चित भएको हो । ८०२ मत गणना गर्दा थापाको ४५४ र फुयालको ३२८ मत छ ।
अब गन्न बाँकी मतमध्ये तीन मत मात्र थापाले पाए उनको जित पक्का हुनेछ । थापाले सुरुवातदेखि नै अग्रता लिएका थिए ।
साँझ ०७ः३० बजेसम्मको अपडेट
थापाले फुयाललाई १४७ मत अन्तरले पराजित गरेका छन् । थापाले जम्मा ५२३ मत ल्याए । फुयालले ३७६ मत पाए ।
महासचिवमा थापा प्यानलका दिनानाथ खतिवडा विजयी भए । खतिवडाले ४३५ मत ल्याउँदा उनका प्रतिस्पर्धी कृष्णप्रसाद घिमिरेलले ४२२ मत ल्याए ।
वरिष्ठ उपाध्यक्षमा निर्मल खतिवडा (४८२) विजयी भए । डिल्लीराम बाह्रकोटीले ३८९ मत ल्याए । धार्मिक उपाध्यक्षमा प्रकाश थापा (४८१) विजयी भए । चन्द्र भेटवालले ३७६ मत ल्याए । पर्याटन उपाध्यक्षमा अम्बिका खरेल (४९४) विजयी भइन् । रामप्रसाद अधिकारीले ३६७ मत ल्याए ।
सचिवमा यामनाथ खतिवडा (४७९) विजयी हुँदा युवराज पौडेल ३३३ मत ल्याउँदै पराजित भए । कोषाध्यक्षमा मानबहादुर पौडेल (४८९) विजयी भए भने अम्बिका चापागार्इंले ३२० मत मात्रै ल्याइन् । सदस्यहरुको भने मतगणना जारी रहेको छ ।
