मेचीनगर, मंंसिर १३ । आयोजक जागृति युवा क्लब झापाको बुद्धशान्ति ५ मा जारी दोस्रो शान्तिनगर जागृति नकआउट फुटबल प्रतियोगिताको सेमिफाइनलमा प्रवेश गरेको छ ।
बुद्धशान्ति ५ खारखोलाको खेल मैदानमा आज भएको खेलमा ड्रिमर्स एफसी इलामलाई ५–१ गोल अन्तरले हराउँदै आयोजक जागृति क्लबले सेमिफाइनलको यात्रा तय गरेको हो ।
आयोजकको तर्फबाट रोमन भुजेलले ४ र पारस लिम्बूले एक गोल गरेका थिए भने ड्रिमर्स इलामको तर्फबाट विशाल माझीले सान्त्वना गोल फर्काएका थिए ।
आयोजक टिमका रोमन भुजेल म्यान अफ द म्याच घोषित हुँदै पुरस्कृत भएका थिए ।
प्रतियोगिताको विजेताले नगद ५० हजार, ट्रफी, मेडल प्राप्त गर्ने र उपविजेताले नगद ३० हजार, ट्रफी, मेडल र प्रमाणपत्र प्राप्त गर्ने आर्थिक समितिका संयोजक दिलिपकुमार सरदारले जानकारी दिए । प्रतियोगिताको फाइनल खेल मंसिर १७ गते हुनेछ ।
