बिर्तामोड, माघ ९ । झापाको अर्जुनधारामा भएको प्याब्सन नगरस्तरीय फुटबलमा लक्ष्मीपुरको होली बेसिल इङलिस स्कुल विजयी भएको छ ।
आज सालबारीस्थित खरबन्दी खेलमैदानमा भएको प्रतियोगितामा शनिश्चरेको स्वस्तिका शिशु सदनलाई हराउँदै होली बेसिल विजयी भएको टिम म्यानेजर बुद्ध चौधरीले जानकारी दिए ।
प्रतियोगिताको सातौँ मिनेटमा स्वस्तिकाको गोलपोस्टमा अन गोल भएको अर्जुनधारा वडा नम्बर ५ का खेलकुद विकास समिति संयोजक बाबाडिआर थारुले बताए ।
