बिर्तामोड, माघ २९ । झापाको बिर्तामोडमा एक युवकको शव भेटिएको छ । बिर्तामोड नगरपालिका–१० स्थित पश्चिम विराटपोखरको पुरानो निर्माणाधीन घरनजिकै टहराभित्र आज बिहान युवकको शव भेटिएको हो ।
स्थानीयले शव देखेपछि प्रहरीलाई खबर गरेका थिए । मृतक सिरिजङ्गा ताप्लेजुङका ३० वर्षीय सञ्जय मावो रहेको बुझिएको छ ।
घटनाबारे प्रहरीले अनुसन्धान सुरु गरिसकेको इलाका प्रहरी कार्यालय अनारमनीका डिएसपी सुरज कार्कीले जानकारी दिए ।
