मेचीनगर, फागुन ४ । झापाको मेचीनगरबाट तीन दिनअघि चोरी भएको मोटरसाइकल चोरसहित पाँचथरमा भेटिएको छ ।
हिजो बिहान प्र.१–०१–०१२ प.३५४७ नम्बरको बजाज कम्पनीको पल्सर मोटरसाइकल पाँचथरको हिलिहाङ- ५ जोरपोखरी बजारमा भेटिएको हो ।
बिहान ८ बजेको समयमा बिर्तामोड-६ बुट्टाबारी बस्ने २७ वर्षीय योगेश मगरले चोरी गरी लैजाँदै गरेको सो मोटरसाइकल ट्राफिक प्रहरी पोस्ट गणेशचोक पाँचथर र प्रहरी चौकी जोरपोखरी पाँचथरबाट खटिएको संयुक्त चेकिङ टोलीले पक्राउ गरेको हो ।
माघ २९ गते अन्दाजी ९ः४० बजेको समयमा मेचीनगर १३ मेट्रो पेट्रोलपम्पमा पार्किङ गरिराखेको किरण दाहालको सो मोटरसाइकल चोरी भएकोे थियो । मगरसहित मोटरसाइकल नियन्त्रणमा लिई इलाका प्रहरी कार्यालय धुलाबारीतर्फ ल्याउने आवश्यक समन्वय भइरहेको जिल्ला प्रहरी कार्यालयले जनाएको छ ।
