बिर्तामोड, चैत २० । झापाको बिर्तामोड–३ बिर्ताबजारमा अहिले साँझ सवा सात बजे तीनपांग्रे अटो भ्यान पल्टिँदा एकजनाको मृत्यु भएको छ । अर्का एकजना गम्भीर घाइते भएका छन् ।
बिर्तामोडबाट गरामनी जाँदै गरेको प्रदेश १–०१–००२ ह ६२१ नम्बरको अटो अनियन्त्रित भई पल्टिँदा ताप्लेजुङ जिल्लाको पाथिभरा याङवरक–२ बस्ने ३१ वर्षीय सामना लिम्बू र साविकको डुम्रिसे–२ बस्ने ३६ वर्षीय भीमबहादुर तामाङ घाइते भएका थिए ।
उनीहरुलाई उपचारको लागि बिएन्डसी अस्पताल लगिएकोमा तामाङलाई डक्टरले मृत घोषणा गरेको जिल्ला ट्राफिक प्रहरी कार्यालय झापाले जनाएको छ ।
घाइते सामना लिम्बूको चिउँडो भाँचिएको र गम्भीर अवस्थामा अस्पतालमा उपचार भइरहेको प्रहरीले जनाएको छ । प्रहरीले अटो नियन्त्रणमा लिए पनि चालक फरार रहेको जनाएको छ ।
