बिर्तामोड,असार १ । मोफसलको चर्चित फुटबल क्लब झापा ११ एफसीले मधेश प्रदेशमा भएको फुटबल प्रतियोगिताको उपाधि चुमेको छ ।
आज धनुषाको सहिदनगर नगरपालिकाको यदुकुहामा भएको तेस्रो मेयर कपको फाइनलमा उदयपुरको गाईघाट फुटबल क्लकलाई हराउँदै झापा ११ ले उपाधि उचालेको हो ।
झापा ११ ले गाईघाटलाई १-० गोल अन्तरले पराजित गर्दा खेलको ८५ औँ मिनेटमा पारस कार्कीले सुन्दर गोल गरे ।
उपाधिसँगै झापा ११ ले नगद एक लाख ५१ हजार, ट्रफी, मेडल र प्रमाणपत्र प्राप्त गरेको छ ।
