![](https://jhapatoday.com/wp-content/uploads/2024/07/aridamann-1024x555.jpeg)
बिर्तामोड, असार १९ । झापाको चारआलीस्थित नेपाली सेनाको अरिदमन गणमा स्वास्थ्य शिविर सञ्चालन भएको छ ।
गणमा रहेका अधिकृत तथा जवानहरुको स्वास्थ्य परीक्षण गर्ने उद्देश्यसाथ शिविर सञ्चालन गरिएको गणपति प्रमुख सेनानी प्राजु बस्न्यातले जानकारी दिए ।
शिविरमा अधिकृत तथा जवानहरुको आँखा जाँच गर्नुको साथै नाक, कान तथा घाँटी रोग विशेषज्ञ डक्टर रणधीर राजवंशीले स्वास्थ्य जाँच गरेका थिए ।
![](https://jhapatoday.com/wp-content/uploads/2024/07/arid-1024x541.jpeg)
आँखा जाँचका लागि मेची आँखा अस्पताल सैनिकमोडले प्राविधिक सहयोग गरेको बस्न्यातले बताए । शिविरबाट २४२ जनाले लाभ लिएका थिए ।
यसैबीच, गणले आगामी दिनमा झापाका दुर्गम स्थानहरुको पहिचान गरी निःशुल्क स्वास्थ्य शिविर सञ्चालन गरिने प्रमुख सेनानी बस्न्यातले जानकारी दिए ।