![May be an image of 5 people, people studying and text](https://scontent.fbdp2-1.fna.fbcdn.net/v/t39.30808-6/449391036_1010656047736380_8911986417475817234_n.jpg?_nc_cat=108&ccb=1-7&_nc_sid=127cfc&_nc_ohc=ZhFqLKViLNAQ7kNvgHyoAjy&_nc_ht=scontent.fbdp2-1.fna&oh=00_AYB8zGc893gHUdiZ1U1Yq9jREuNvlxvgsgVktD87tH6EvA&oe=6697907A)
![](https://jhapatoday.com/wp-content/uploads/2024/07/teknathsoren.jpeg)
![](https://jhapatoday.com/wp-content/uploads/2024/07/image-17-1024x1024.png)
![](https://jhapatoday.com/wp-content/uploads/2024/07/image-9.png)
बिर्तामोड, असार २९ । सन्थाल समुदायबाट एसइइमा हालसम्मकै उत्कृष्ट नतिजा ल्याएका झापा बाह्रदशीका टेकनाथ सोरेनलाई बिर्तामोडको निदि सेकेन्डरी स्कुल/ इन्द्रेणी क्याम्पसले निःशुल्क अध्ययन गराउने भएको छ ।
![](https://jhapatoday.com/wp-content/uploads/2024/07/image-5.png)
विद्यालयका प्रिन्सिपल रञ्जीत शाहका अनुसार सोरेनलाई कक्षा ११ र १२ सम्मको अध्ययनमा विद्यालयले कुनै पनि शीर्षकमा शुल्क लिनेछैन ।
![](https://jhapatoday.com/wp-content/uploads/2024/07/image-10.png)
विज्ञान संकायमा शुक्रबार भर्ना भएका सोरेनलाई त्योभन्दा माथिल्लो तहको अध्ययनमा समेत विद्यालयले सहयोग गर्ने शाहले जानकारी दिए ।
![](https://jhapatoday.com/wp-content/uploads/2024/07/image-11.png)
सोरेनको पढाइप्रतिको लगनशीलता तथा पारिवारिक आर्थिक अभावलाई ध्यान दिँदै उनको अध्ययनको व्यवस्था गरिएको प्रिन्सिपल शाहले झापा टुडेलाई बताए ।
![](https://jhapatoday.com/wp-content/uploads/2024/07/image-1.png)
२०८० सालको माध्यमिक शिक्षा परीक्षा (एसइइ) मा झापाको बाह्रदशी गाउँपालिकामा रहेको गौरीशंकर माविका सोरेनले सीमान्तकृत सन्थाल समुदायबाट एसएलसी/एसइइकै इतिहासमा उच्च अंक ल्याएका थिए ।
![](https://jhapatoday.com/wp-content/uploads/2024/07/image-13.png)
२०६४ साउन ३० गते जन्मिएका सोरेनले एसइइमा ३.८२ जिपिए अंक ल्याएका छन् । सोरेनले प्राप्त गरेको अंक प्रतिशतमा बदल्दा ९५.५ प्रतिशत हुन्छ ।
![](https://jhapatoday.com/wp-content/uploads/2024/07/image-18-1024x597.png)
अनुशासित, मेहनती र नियमित विद्यालय आउने विद्यार्थी बाह्रदशी–६ डाँगीबारीका सोरेनका बुवा राजिन्दर र आमा उषा सामान्य खेती र अर्काको दैनिक ज्यालादारीमा काम गर्दै आएका छन् ।
![](https://jhapatoday.com/wp-content/uploads/2024/07/image-14-1024x1024.png)
यसैबीच, सन्थाल समुदायबाट छात्रातर्फ एसइइ इतिहासकै उच्च अंक गौरीगञ्जकी पर्वती हस्दालाई भने हालसम्म कुनै पनि विद्यालयले अध्ययनको निःशुल्क व्यवस्था गरेका छैनन् ।
![](https://jhapatoday.com/wp-content/uploads/2024/07/image-4.png)
खजुरगाछी माविकी हस्दाले यस वर्षको एसइइमा ३.५१ जिपिए ल्याएकी छन् । उनी २०८० को एसइइमा गौरीगञ्जको सामुदायिक विद्यालयतर्फ सबैभन्दा उत्कृष्ट अंक ल्याउने विद्यार्थी हस्दा नै हुन् ।
![](https://jhapatoday.com/wp-content/uploads/2024/06/image-36-768x1024.png)
सम्बन्धित समाचार: