![](https://jhapatoday.com/wp-content/uploads/2024/07/hasda-1024x570.jpeg)
बिर्तामोड, असार २९ । सन्थाल समुदायबाट छात्रातर्फ एसइइ इतिहासकै उच्च अंक ल्याएकी झापा गौरीगञ्जकी पर्वती हस्दालाई पनि निदि माविले निःशुल्क पढाउने उद्घोष गरेको छ ।
छात्रतर्फ उत्कृष्ट अंक ल्याएका बाह्रदशीका टेकनाथ सोरेनलाई निदि माध्यमिक विद्यालयले निःशुल्क पढाउने समाचार झापा टुडेमा प्रकाशित भएपछि विद्यालयले हस्दालाई पनि पढाउने उद्घोष गरेको हो ।
सोरेनको हिजो शुक्रबार विज्ञान संकायमा भर्ना भइसकेको छ । हस्दा पनि सम्पर्कमा आए निःशुल्क अध्ययनको व्यवस्था गर्ने विद्यालयले जनाएको छ ।
विद्यालयका प्रिन्सिपल रञ्जीत शाहले झापा टुडेलाई सम्पर्क गरेर हस्दालाई उनको रोजाइको विषयमा कक्षा ११ र १२ सम्म निःशुल्क पढाउने जानकारी दिए ।
खजुरगाछी माविकी हस्दाले सबैभन्दा उत्कृष्ट अंक ल्याएकी छन् । उनले यस वर्षको एसइइमा ३.५१ जिपिए ल्याएकी छन् ।
उनी २०८० को एसइइमा गौरीगञ्जको सामुदायिक विद्यालयतर्फ सबैभन्दा उत्कृष्ट अंक ल्याउन ल्याउने विद्यार्थी पनि हुन् । गौरीगञ्ज गाउँपालिकाभित्रका चारवटा सामुदायिक विद्यालय एसइइमा सहभागी थिए ।
सम्बन्धित समाचार: