बिर्तामोड, साउन १७ । झापाको बिर्तामोड रामचोकमा रहेको निदि माविमा अध्ययनरत अश्विन भारतीलाई द भ्वाइस अफ किड्स सिजन-३ मा भोट गर्न भारती बन्धु एकता समाज नेपालले आग्रह गरेको छ ।
झापाको मेचीनगर-३ बाहुनडाँगी घर भई हाल निदि माविमा कक्षा ७ मा अध्ययनरत अश्विन भोटिङ राउन्ड अर्थात टप २४ मा पर्न सफल भएका छन् ।
उनी बिजेता बने झापाकै गौरव बढ्ने भएकाले पनि सम्पूर्ण झापाबासीलाई भोट गरिदिन भारती बन्धु समाजका केन्द्रीय अध्यक्ष उमेश भारतीले आग्रह गरेका छन् ।
एक वर्षदेखि बिर्तामोडको सरगम संगीतालयमा संगीत सिक्दै आएका अश्विन पढाईमा पनि अब्बल रहेको निदिका प्रिन्सिपल रञ्जीत शाहले जानकारी दिए ।
लाइफ राउन्डमा पुगेका अश्विनलाई भोट गरेर विजेता बनाइदिन उनका दाजु अनुज भारतीले पनि अनुरोध गरेका छन् ।
प्याब्सन झापाले आयोजना गरेको कार्यक्रममा उनी जुनियर गायनतर्फ झापा प्रथम भइसकेका छन् ।
हिमालय टेलिभिजनबाट शुक्रबार र शनिबार साँझ ८ बजेबाट रियालिटी सो द भ्वाइस अफ किड्स नेपालको सिजन ३ प्रशारण हुने गरेको छ । सम्पूर्णलाई भोटिङ समयभित्र खल्ती एप्स प्रयोग गरी भोट गरिदिन समाजले अनुरोध समेत गरेको छ ।
