बिर्तामोड, साउन १८ । झापाको शिवसताक्षीबाट प्रहरीले एकजनालाई लागुऔषध ब्राउन सुगरसहित नियन्त्रणमा लिएको छ ।
इलाका प्रहरी कार्यालय झिलझिलेबाट खटिएको प्रहरी टोलीले शिवसताक्षी-८ रत्नचोक बस्ने २४ वर्षीय फुर्वा तामाङलाई नियन्त्रणमा लिएको हो ।
तामाङले आफ्नै घरमा लागुऔषध ब्राउन सुगर बेचबिखन गरिरहेको भन्ने गोप्य सूचनाको आधारमा उनलाई नियन्त्रणमा लिइएको जिल्ला प्रहरी कार्यालय झापाले जनाएको छ ।
उनको साथबाट प्लास्टिकसहित १ ग्राम ५६० मिलिग्राम र प्लास्टिकबाहेक १ ग्राम ब्राउन सुगर भेटिएको थियो । तामाङलाई इलाका प्रहरी कार्यालय झिलझिलेमा राखेर अनुसन्धान भइरहेको छ ।
