बिर्तामोड, साउन १९ । झापाको दमक मेचीनगरमा प्रहरीले लागुऔषध बेच्ने र नेपाल ल्याृने तीनजनालाई पक्राउ गरेको छ ।
हिजो साँझ झापा प्रहरीले दमक ३ बेलडाँगी बस्ने २३ वर्षीया प्रमिला गुरुङलाई लागुऔषध बेचबिखन गरिरहेको अवस्थामा प्रहरी चौकी बाघखोरले पक्राउ गरेको हो ।
उनको साथबाट प्रतिबन्धित ब्राउन सुगर प्लास्टिकसहित १ ग्राम ६६० मिलिग्राम र प्लास्टिकबाहेक १ ग्राम ५८० मिलिग्राम भेटिएको थियो ।
यसैबीच, हिजो राति ०९ः५५ मेचीनगर ६ पुरानो मेचीपुलबाट मेचीनगर १० का २९ वर्षीय राजीव शाह र २८ वर्षीय मोहम्मद अजिमलाई लागुऔषध र मोटरसाइकलसहित प्रहरीले पक्राउ गरेको छ ।
लागुऔषध नियन्त्रण ब्युरो काँकरभिट्टा र इलाका प्रहरी कार्यालय काँकरभिट्टाले भारतबाट नेपालतर्फ मे. १० प १३३८ नम्बरको मोटरसाइकलमा आउँदै गरेका उाीहरुलाई ब्राउन सुगरसहित पक्राउ गरिएको हो ।
उनीहरुको साथबाट प्लास्टिकसहित ५ ग्राम ७९० मिलिग्राम, प्लास्टिकबाहेक ४ ग्राम १७० मिलिग्राम लागुऔषध भेटिएको प्रहरीले जनाएको छ ।
