बिर्तामोड, भदौ ४ । झापाको शिवसताक्षीमा घरेलु हतियार खुकुरी प्रयोग गरेर पतिले पत्नीको हत्या गरेका छन् ।
आज साँझ पौने ७ बजे भएको घटनामा पत्नी २९ वर्षीया रञ्जना गौतम अधिकारीको घटनास्थलमै मृत्यु भएको हो । उनका पति ४४ वर्षीय ओमप्रसाद अधिकारीले खुकुरी प्रयोग गरेर रञ्जनाको हत्या गरेको छिमेकीले बताए ।
शिवसताक्षी-८ शिवालय टोलको घटना पतिपत्नीबीचको आन्तरिक कलहका कारण भएको हुनसक्ने छिमेकीले अनुमान गरेका छन् ।
घटनास्थलमा प्रहरी पुगिसेकेको छ । प्रहरीले ओमप्रकाश अधिकारीलाई नियन्त्रणमा लिएको घटनाका प्रत्यक्षदर्शीले बताए ।
प्रहरी टोली घटनास्थल पुगेको इलाका प्रहरी कार्यालय झिलझिलेले जनाएको छ । जिल्ला प्रहरी कार्यालय झापाबाट पनि टोली खटिएको जनाइएको छ ।
