बिर्तामोड, भदौ २६ । झापाको बिर्तामोडस्थित बसपार्क प्रवेश गर्ने बाटोमा आज एकजना महिला शव भेटिएको छ ।
परिचय नखुलेकी ती महिलाको मृत्यु वा हत्याबारे अनुसन्धान सुरु गरिएको जिल्ला प्रहरी कार्यालय झापाले जनाएको छ ।
कान्तिपुर ड्राइभिङ सेन्टरको पछाडि महिला मृत भेटिएकी हुन् । नाम, थर र वतन नखुलेकी अन्दाजी ४० वर्षको जस्तो देखिने महिला साँझ ०५ः३० बजे मृत भेटिएकी हुन् ।
मागी खाई हिँड्ने महिला मृत भेटिएको र प्रहरी टोली घटनास्थल पुगेको इलाका प्रहरी कार्यालय बिर्तामोडका डिएसपी प्रकाश विष्टले झापा टुडेलाई बताए ।
