बिर्तामोड, असोज ६ । बिर्तामोडका व्यवसायी स्वर्गीय रतिराम वंशलको स्मृतिमा उनका छोरा सज्जनकुमार वंशलले बिर्तामोड उद्योग वाणिज्य संघले स्थापना गरेको ‘व्यवसायी राहत कोष’लाई ३१ हजार रुपैयाँ सहयोग गरेका छन् ।
संघका पूर्वउपाध्यक्ष समेत रहेका सज्जनकुमारले पिताको स्मृतिमा सोह्रश्राद्धको अवसरमा संघलाई सहयोग गरेको बताए ।
हरेक वर्ष बुवाको स्मृतिमा सामाजिक कार्यमा थोरै रकम छुट्याउने गरेको र त्यसमध्येको एक अंश संघलाई सहयोग गरेको उनको भनाइ थियो ।
संघलाई प्रदान गरेको रकम संघका अध्यक्ष राजु न्यौपानेलाई प्रदान गरिएको थियो । अध्यक्ष न्यौपानेले संकलित रकम बिर्तामोडकै व्यवसायीलाई समस्यामा पर्दा सहयोग गर्नेगरी कोष स्थापना गरिएको बताए ।
संघले कोषमा एक करोड रुपैयाँ पुर्याउने लक्ष्य लिएको छ । उनले वंशल परवारलाई धन्यवाद दिए ।
योसँगै कोषमा सहयोग पुर्याउने वंशललाई सम्मान समेत गरिएको छ । सो सम्मानपत्र संघका कोषाध्यक्ष युवराज निरौलाले वाचन गरेका थिए ।
कार्याक्रममा बिर्तामोडका व्यवसायी र संघका पदाधिकारीको सहभागिता रहेको थियो । कार्यक्रमको सञ्चालन संघका उद्योग उपाध्यक्ष विशाल थापाले गरेका थिए ।
