बिर्तामोड, असोज १५ । विराटनगरमा दसैँ, तिहार र छठपर्वको अवसरमा तेस्रो संस्करणको विराटनगर म्युजिक लाइभ फेस्टिभल २०८१ हुने भएको छ ।
लाइभ इन्टरटेन्टमेन्टले आयोजना गर्ने कार्यक्रम विराटनगर मेनरोडस्थित जैनभवनको खुला मैदानमा हुने कार्यक्रम व्यावस्थापक एवम संयोजक सन्तोष महत (स्यान्ट्रो) ले बताए ।
विराटनगर महानगरपालिका मुख्य प्रर्वद्धक रहेको कार्यक्रमको तेस्रो संस्करणमा गायक स्वप्न सुमन र ब्यान्ड तथा पुरन राई र दाजुभाइ ब्यान्डको प्रस्तुति रहनेछ ।
कार्यक्रममा विराटनगरको स्थानीय सांगीतिक समूह र डान्स क्लबहरुको नृत्य प्रस्तुति रहनेछ । कार्यक्रममा स्थानीय परिकारहरुको स्टल पनि रहने महतले बताए ।
