बिर्तामोड, असोज २८ । पूर्वपश्चिम राजमार्गस्थित झापाको दुर्गापुरमा तीनचक्के अटो र मोटरसाइकल ठोक्किँदा चारजना घाइते भएका छन् ।
आज दिउँसो दुर्घटना हुँदा घाइते भएकाहरुलाई उपचारका लागि बिर्तासिटी अस्पताल बिर्तामोड ल्याइएको छ ।
प्रदेश १-०१-००२ स ९९८ नम्बरको अटो र प्रदेश १-०२-०५१ प २४५२ नम्बरको मोटरसाइकल आपसमा ठोक्किएका हुन् ।
दुर्गापुरबाट सुरुङ्गातर्फ जाँदै गरेको अटो र विपरीत दिशातर्फ आउँदै गरेको मोटरसाइकल आपसमा जुधेका थिए ।
दुर्घटनामा मोटरसाइकल चालक मोरङ रतुवामाई ९ बस्ने ४२ वर्षीय रामप्रसाद भट्टराई, मोटरसाइकलमा पछाडि बसेका उनकी भाउजू ४० वर्षीया जानुका भट्टराई, अटो चालक बुद्धशान्ति २ बस्ने ३९ वर्षीय रामचन्द्र खतिवडा, अटोमा चढेका कनकाई ४ बस्ने ३२ वर्षीया मिना खनाल, उनकै छोरी ५ वर्षीया विपना, बुद्धशान्ति २ बस्ने १८ वर्षीया विपना खतिवडा र सोही ठाउँ बस्ने १२ वर्षीय दिवस खतिवडा घाइते भएका हुन् ।
