बिर्तामोड, कात्तिक १ । झापाली बजारमा बिहीबार सुनको मूल्यमा ऐतिहासिक रेकर्ड कायम भएको छ ।
नेपाल सुनचाँदी व्यवसायी महासंघ झापा शाखाका अनुसार आज छापावाल सुनको मूल्य ६ सय रुपैयाँले बढेर तोलामा १ लाख ६३ हजार रुपैयाँ कायम भएको हो ।
झापाका सुन पसलमा बुधबार सुनको मूल्य तोलामा १ लाख ६२ हजार ४०० रुपैयाँ कायम भएको थियो ।
त्यस्तै, आज चाँदीको मूल्य भने स्थिर रहेको छ । बुधबार तोलामा १ हजार ९ सय ५० रूपैयाँमा कारोबार भएको चाँदी आज पनि सोही मूल्यमा कारोबार भइरहेको छ ।
