भद्रपुर, कात्तिक १२ । चन्द्रगढी सामुदायिक वन उपभोक्ता समूहको आयोजनामा च्याउ खेती तालिम सम्पन्न गरिएको छ ।
गरिबी न्यूनीकरण तथा महिला सशक्तीकरण कार्यक्रमअन्तर्गत आज एक दिने च्याउ खेती तालिम सम्पन्न गरिएको हो ।
उपसमितिका संयोजक रमेश न्यौपानेको अध्यक्षता तथा भद्रपुर-९ का कार्यवहाक अध्यक्ष मञ्जु पोखरेलको प्रमुख आतिथ्यतामा सम्पन्न तालिमको औचित्यमाथि वन समूहका कोषाध्यक्ष अनुज खतिवडाले गरेका थिए ।
कार्यक्रमका प्रमुख प्रशिक्षक दुर्गाप्रसाद भट्टराईले सहजीकरण गरेको कार्यक्रममा चन्द्रगढी सामुदायिक वन उपभोक्ता समूहका ५० जनाभन्दा बढीको सहभागिता रहेको थियो ।
