बिर्तामोड, कात्तिक १३ । न्यु स्टार जिल्लास्तरीय फुटबल प्रतियोगिताको उपाधिका लागि बिर्तामोडको रेड स्टार एफसी र हल्दिबारीको जलथल एफसी खेल्ने भएका छन् ।
बिर्तामोड–७ खोपबाडीको सुन्दर निचाझोडा वनको सुन्दर डाँडा खेलमैदानमा भोलि हुने फाइनल प्रतिस्पर्धामा दुवै टोलीले उपाधि रक्षा गर्ने दाबी गरेका छन् ।
रेड स्टार एफसी आयोजक न्यु स्टार क्लबलाई १–० गोल अन्तरले हराउँदै फाइनल प्रवेश गरेको हो भने धाइजन चारआली एफसीलाई २–० गोल अन्तरले हराउँदै जलथल उपाधिनजिक पुगेको हो ।
प्रतियोगिताको विजेताले नगद ५१ हजार र उपविजेताले नगद ३१ हजारसहित आकर्षक ट्रफी पाउनेछ । प्रत्येक खेलको प्लेयर अफ द म्याचले नगद २ हजार पाउने छन् ।
विधागततर्फ पाँचवटा विधामा जनही ३३ सय र बेस्ट प्लेयर बन्ने खेलाडीले ट्रफीसहित नगद ५ हजार पाउने आयोजक न्यु स्टार क्लबका अध्यक्ष कृष्णप्रसाद लिम्बूले जानकारी दिए ।
