बिर्तामोड, कात्तिक १७ । झापाको भद्रपुरमा यु-१३ जिल्लास्तरीय लिग तथा नकआउट पुरुष फुटबल प्रतियोगिता हुने भएको छ ।
भद्रपुर फुटबल ट्रेनिङ सेन्टर कलवलगुढीको आयोजनामा हुने प्रतियोगिता यही कात्तिक २० गतेदेखि कलवलगुढी खेल मैदानमा हुनेछ ।
कात्तिक २६ गते फाइनल खेल हुने प्रतियोगितामा झापाका आठवटा टिमको सहभागिता रहनेछ ।
प्रतियोगितामा आयोजक भद्रपुर फुटबल ट्रेनिङ सेन्टर, काँकरभिट्टा फुटबल ट्रेनिङ सेन्टर, आदर्श मैदान एकाडेमी अफ स्पोटर्स बिर्तामोड र भद्रपुर झापा गोल्डकप एउटा समूूहमा छन् ।
त्यस्तै, विशालपुर फुटबल एकाडेमी पृथ्वीनगर, ध्रुवतारा एकाडेमी दमक, हल्दिबारी गाउँपालिका र न्यु स्टार क्लब खोपबाडी बिर्तामोड एउटा समूहमा छन् ।
उद्घाटन खेलमा आयोजक र काँकरभिट्ट आपसमा खेल्नेछन् । सोही दिन विशालपुर पृथ्वीनगरविरुद्ध ध्रुवतारा दमकले प्रतिस्पर्धा गर्नेछ ।
