मेचीनगर, कात्तिक २० । मेचीनगर–९, धुलाबारीमा रहेको सातपाखे रिसोर्टमा भोलि सांगीतिक साँझ हुने भएको छ ।
सातपाखे ब्याण्डको आयोजनामा कला, साहित्य र संगीतकर्मीलाई जोड्न कार्तिक २१ गते बुधबार ४ बजे कार्यक्रमको आयोजना गरिएको आज प्रेस क्लब मेचीनगरमा आयोजित पत्रकार सम्मेलनमा जानकारी दिइएको हो।
देश– बिदेशमा ख्याति कमाएका चर्चित कला, साहित्य संगीतिक क्षेत्रका अब्बल ब्यक्तीत्व र समाजमा उदयमानको रुपमा पहिचान बनाउँदै आएका नयाँ पुस्ताबीच समन्वय र सहयात्राका लागि यस कार्यक्रमले जोड्ने आयोजक समितिका अध्यक्ष राजेश पराजुलीले बताए ।
पुराना कालजयी गीतहरु गुञ्जाएर नयाँ पुस्तामाझ संन्देश प्रवाह गरिने कार्यक्रममा राष्ट्रिय कलाकार कमल रसाइली र उत्तमजंग लिम्बूको प्रस्तुति रहनेछ ।
त्यस्तै, आर्ट विधाका ख्यातीप्राप्त कलाकार क्षितेन लामाले लाइभ पेन्टिङ गर्नेछन् भने नयाँ पुस्ताका युवाले पनि पेन्टिङमा भाग लिने बताइएको छ ।
