बिर्तामोड, कात्तिक २२ । झापाको बिर्तामोड-८ प्याकुरेलचोकका शिव गौतमको घरमा आगलागी हुँदा तीनजना घाइते भएका छन् ।
आज राति ८ः२० बजे गौतमको एकतले पक्की घरमा आगो सल्किएर भान्सामा रहेका ३ वटा ग्यास सिलिन्डर विष्फोट भएको छ ।
आगलागीबाट छिमेकी मोहन तिम्सिनासहित तीनजना घाइते भएका छन् । तिम्सिनालाई उपचारका लागि ओम साई पाथिभरा अस्पताल भद्रपुर लगिएको छ ।
आगलागीबाट एउटा स्कुटरसमेत जलेर नष्ट भएको छ । आगलागीको कारण थाहा हुन नसकेको जिल्ला प्रहरी कार्यालय झापाले जनाएको छ ।
आगलागी बिर्तामोड र भद्रपुर नगरपालिकाको दमकलले राति ९ः०५ बजे नियन्त्रणमा लिएको प्रहरीले जनाएको छ । आगलागीबाट करिब ७ लाख बराबरको क्षति भएको जनाइएको छ ।
