बिर्तामोड, कात्तिक २३ । झापाको झापा गाउँपालिकामा स्थानीय एकजनाको घरमा आगलागी हुँदा घर जलेर नष्ट भएको छ ।
आज बिहान ०१ः३० बजे झापा-३ सिमलबाडी लालमोहरका बसिया हेमरमको घरमा आगलागी भएको जिल्ला प्रहरी कार्यालय झापाले जनाएको छ ।
भान्सा कोठामा रहेको चुलोबाट सल्किएको आगोले जस्तापाताले बारेको जस्तापाताको छानो भएको सखुवा र सिमेन्टको खम्बा भएको घर र भान्सा घरमा आगलागी हुँदा पूर्ण रुपमा नष्ट भएको छ ।
आगलागीबाट नगद १० हजार, कुखुरा १० वटा, जस्तापाता, धान ८ मन, चामल ३ बोरा, लत्ताकपडा, भाँडाकुँडा गरी ९० हजार रुपैयाँको क्षति भएको प्रहरीले जनाएको छ ।
प्रहरी र स्थानीयको सहयोमा २ बजे बिहान आगो नियन्त्रणमा लिइएको र घटनाका सम्बन्धमा अनुसन्धान भइरहेको प्रहरीको भनाइ छ ।
