बिर्तामोड, कात्तिक २४ । झापाको मेचीनगरस्थित पूर्वपश्चिम राजमार्गमा कारसँग ठोक्किएर घाइते भएका मोटरसाइकल चालकको मृत्यु भएको छ ।
बिहीबार राति ११ः३० बजे मेचीनगर ७ टोकला चिया बगानछेउ काँकरभिट्टाबाट इटाभट्टातर्फ जाँदै गरेको बा. ६० प २५३७ नम्बरको मोटरसाइकलले ब्याक गर्दै गरेको बिएए–८६८७ नम्बरको कारलाई पछाडिबाट ठक्कर दिएको थियो ।
दुर्घटनामा मोटरसाइकल चालक मेचीनगर ७ बस्ने २५ वर्षीय राजमान विक घाइते भएका थिए । उनलाई बिएन्डसी अस्पताल बिर्तामोडमा लगेर उपचार भइरहेकोमा उपचारको क्रममा हिजो राति ९ः२५ बजे मृत्यु भएको हो ।
मोटरसाइकल, कार र कार चालक रामेछाप खाँडादेवी ४ का ३४ वर्षीय दिनेश कँडेल इलाका प्रहरी कार्यालय काँकरभिट्टाको नियन्त्रणमा रहेको जिल्ला प्रहरी कार्यालयले जनाएको छ ।
