मेचीनगर, कात्तिक ३० । झापाको मेचीनगरमा मोटरसाइकलको ठक्करबाट एकजना पैदलयात्रीको मृत्यु भएको छ ।
आज साँझ ६ः२० बजे मेचीनगर १० स्थित पूर्वपश्चिम राजमार्गमा चारआलीबाट धुलाबारीतर्फ आउँदै गरेको मे.६ प ३१७९ नम्बरको मोटरसाइकलले बाटो कनट्दै गरेका पैदलयात्रीलाई ठक्कर दिएको थियो ।
ठक्करबाट इलाम रोङ-३ कोल्बुङका अन्दाजी ५५ वर्षीय इन्द्रबहादुर गुरुङको मृत्यु भएको प्रहरीले जनाएको छ । मृतकका छोरा शुक्रराज गुरुङले बिएन्डसी अस्पताल आएर सनाखत गरेका हुन् ।
उनलाई उपचारको लागि बिएन्डसी अस्पताल बिर्तामोड पठाएकोमा चिकित्सकले जाँच गर्दा मृत्यु भइसकेको प्रहरीले जनाएको छ ।
मोटरसाइकल चालक मेचीनगर ७ का अन्दाजी ५२ वर्षीय गणेश राजवंशीसमेत घाइते भएका छन् । हात खुट्टा, अनुहार र मुखमा चोट लागेका राजवंशीको बिएन्डसी अस्पतालमा उपचार भइरहेको जिल्ला प्रहरी कार्यालय झापाले जनाएको छ ।
