बिर्तामोड, मंसिर २ । झापाको बिर्तामोडमा मोफसलको चर्चिच टिम झापा ११ फुटबल क्लबको आयोजनामा ‘बिर्तामोड झापा कप’ नकआउट फुटबल प्रतियोगिता हुने भएको छ ।
यही मंसिर २९ गतेदेखि डोमालाल राजवंशी रंगशालामा आयोजना हुने प्रतियोगितामा मोफसलका १० वटा फुटबल क्लबहरुको सहभागिता रहनेछ ।
पुस ६ गते हुने फाइनल खेलको विजेताले नगद १० लाख, ट्रफी र मेडल पाउनेछ भने उपविजेता टिमले नगद पाँच लाख, ट्रफी र मेडल प्राप्त गर्नेछ ।
प्रतियोगिताबारे विस्तृत जानकारी दिन भोलि मंसिर ३ गते बिर्तामोडको सिद्धार्थ होटलमा आयोजक झापा ११ एफसीले पत्रकार सम्मेलन गर्दैछ ।
प्रतियोगिताका लागि खेलमैदान मर्मत तथा स्तरोन्नतिको काम सुरु भइसकेको छ भने झार रोप्ने र सम्याउने काम जारी छ ।
