बिर्तामोड, पुस १६ । झापाको भद्रपुरस्थित चन्द्रगढी विमानस्थलले आठ करोड १७ लाख रुपैयाँ आम्दानी गरेको छ ।
आर्थिक वर्ष २०८०-८१ मा चन्द्रगढी विमानस्थलले उक्त रकम आम्दानी गरेको नेपाल नागरिक उड्डयन प्राधिकरणले जनाएको हो ।
नेपालमा सञ्चालनमा रहेका मध्य आठवटा विमानस्थलको आम्दानी १ करोडभन्दा माथि छ । त्यसमा धनगढी, भरतपुर, जनकपुर, सिमरा, लुक्ला, सुर्खेत र रामेछाप विमानस्थल पर्छन् ।
प्राधिकरणका अनुसार देशभर रहेका त्रिभुवन विमानस्थल बाहेकका ३४ वटा विमानस्थलको आम्दानी १ अर्ब ३४ करोड छ । त्यसमा पोखरा विमानस्थलले ३४ करोड ९३ लाख रूपैयाँ कमाएको छ ।
